Баянзүрхийн 321 урт метр гүүрийн шав тавих ёслол боллоо
БНХАУ-ын Засгийн газрын хөнгөлөлттэй зээлээр хэрэгжүүлэх “Туул гол дээгүүрх Баянзүрхийн 321 урт метр болон Сонсголонгийн 289,4у/м төмөрбетон гүүрийг шинээр барих” төслийн Баянзүрхийн 321у/м гүүрийн шав тавих ёслол өнөөдөр боллоо. Шинээр барихаар төлөвлөж буй гүүр нь Гачууртын уулзвараас Баянзүрхийн товчоо хүртэлх 3,4 км авто замд Туул гол дээр байрлах юм. Улаанбаатар хотын замын хөдөлгөөний менежментийг сайжруулахад 1960-86 оны үед баригдаж, 40-өөс дээш жил болсон гүүрүүдийг засварлан шинэчлэх зайлшгүй шаардлага тулгарч байна. Тиймээс БНХАУ-ын Засгийн газрын хөнгөлөлттэй зээлийн хөрөнгөөр 4 том төслийг хэрэгжүүлэхээр төлөвлөсөн. Үүнээс Яармагийн хуучин гүүрийг сэргээн засварлах болон шинээр барих төсөл, мөн Замын цагдаагийн газрын ойролцоох гүүрэн гарцын ажил эхлээд явж байна.
2017 -оны 6 -р сарын 2
1172
ДЭЛГЭРЭНГҮЙ
Явган аяллын чиглэлийн нээлт энэ сарын 18, 19-нд болно
Нийслэлийн Аялал жуулчлалын газар БНСУ-ын Чежү хотын Аялал жуулчлалын газар, “Чежү Олле” нийгэмлэгтэй хамтран Улаанбаатар хот орчимд олле стандартын дагуу явган аяллын чиглэл тогтоон, тэмдэгжүүлэх ажлыг өнгөрсөн жилийн зургаадугаар сараас эхлэн хэрэгжүүлж байгаа билээ. Олле гэдэг нь Чежүгийн эртний аялгаар “гудамж талбайгаас гэрийн хашаа хүртэлх нарийхан зам” гэсэн утгатай үг бөгөөд БНСУ-д 2006 оноос хойш Чежү арлыг тойрсон 26 курс, 425 км явган аяллын чиглэлийг тэмдэгжүүлсэн байдаг аж. Олле явган аяллын чиглэл нь Солонгос улсад хурдан хугацаанд хөгжиж, олон хүний алхах дуртай зам болсон бөгөөд зам дагуух тэмдэг, тэмдэглэгээ нь байгаль орчинд сөрөг нөлөөгүй материалуудаар хийгддэг.
2017 -оны 6 -р сарын 2
1007
ДЭЛГЭРЭНГҮЙ
Хотын дарга Барилгын коллежийн үйл ажиллагаатай танилцлаа
Нийслэлийн Засаг дарга бөгөөд Улаанбаатар хотын Захирагч С.Батболд өнөөдөр Барилгын политехникийн коллежийн үйл ажиллагаа, сургалтын орчин, эдэлбэр газрын ашиглалтын байдалтай танилцлаа. Хотын даргыг дагалдан явах ажлын хэсгийн бүрэлдэхүүнд нийслэлийн Засаг даргын Ядуурлыг бууруулах, хөдөлмөр эрхлэлтийн асуудлыг хариуцсан орлогч Д.Энхтөр, нийслэлийн ЗДТГ-ын төрийн захиргааны удирдлагын хэлтсийн дарга Ү.Ганболд, нийслэлийн Мэргэжлийн хяналтын гарын дарга Л.Эрдэнэчулуун болон бусад албаныхан байсан юм. Ажлын хэсгийнхнийг Барилгын политехникийн коллежийн захирал Г.Нямдулам хүлээн авч үйл ажиллагаагаа танилцуулж, тулгамдаж буй асуудлаа шийдвэрлэж өгөхийг хүсэв.
2017 -оны 6 -р сарын 2
1437
ДЭЛГЭРЭНГҮЙ
Улаанбаатар хотын аж үйлдвэрийн салбарын мэргэшсэн боловсон хүчин бэлтгэхэд Коосэнтэй хамтарна
Нийслэлийн Засаг дарга бөгөөд Улаанбаатар хотын захирагч С.Батболд, КООСЭН-Японы үндэсний технологийн хүрээлэнгийн Ерөнхийлөгч Исао Танигүчи нар өнөөдөр Коомэн боловсролын хөтөлбөрийг дэмжин ажиллах болон аж үйлдвэрийн салбарын мэргэшсэн боловсон хүчин бэлтгэхэд хамтран ажиллах санамж бичигт гарын үсэг зурлаа. Хамтын ажиллагааны хүрээнд Коосэн боловсролын системийг олон нийтэд таниулах, 2017 онд Коосэн технологийн дээд боловсролын хөтөлбөрт нийцсэн туршилт, судалгааны лабораторийн бүтээн байгуулалтын ажлыг хийж гүйцэтгэх тал дээр хамтран ажиллана.
2017 -оны 6 -р сарын 2
1184
ДЭЛГЭРЭНГҮЙ
Өнөөдөр олон улсын хүүхдийн эрхийг хамгаалах өдөр
Өнөөдөр олон улсын хүүхдийн эрхийг хамгаалах өдөр
2017 -оны 6 -р сарын 1
1308
ДЭЛГЭРЭНГҮЙ
“Өргөө” амаржих газарт өдрийн дурангийн мэс засал хийх боломж бүрдлээ
НИТХ-ын дарга Ц.Сандуй, НИТХ-ын төлөөлөгч, нийслэлийн Засаг даргын Нийгмийн асуудлыг хариуцсан орлогч Ш.Анхмаа, НИТХ-ын төлөөлөгч Д.Мөнхжаргал, нийслэлийн Эрүүл мэндийн газрын дарга Л.Төмөрбаатар болон бусад албаныхан эх үрсийн баярыг тохиолдуулан өнөөдөр “Өргөө” амаржих газарт зочиллоо. Тэд Австрали улсын буцалтгүй тусламжаар олгосон тоног төхөөрөмжийн замын зардлыг шийдвэрлэж өгч буйгаа тус хамт олонд дуулгаад олон улсын хүүхдийн эрхийг хамгаалах өдөр мэндэлсэн бяцхан үрс, ээжүүдэд гарын бэлгээ өгсөн юм. НИТХ-ын дарга Ц.Сандуй “Эх үрсийн баярыг тохиолдуулан “Өргөө” амаржих газарт Австралийн Мельбурн хотын эмнэлгийн буцалтгүй тусламжаар ирэх дурангийн мэс заслын аппарат, дагалдах тоног төхөөрөмжийн замын зардлын асуудлыг НИТХ-ын Тэргүүлэгчид шийдвэрлэсэн.
2017 -оны 6 -р сарын 1
1403
ДЭЛГЭРЭНГҮЙ
Хотын удирдлагууд ээжүүдэд Алдарт эхийн 1, 2 дугаар одонг гардууллаа
Монгол Улсын Ерөнхийлөгчийн 2017 оны тавдугаар сарын 25-ны өдрийн зарлигаар Улаанбаатар хотын хэмжээнд Алдарт эхийн 1 дүгээр одонгоор 160, 2 дугаар одонгоор 2992 ээж өнөөдөр шагнагдлаа. Төрийн одонг нийслэлийн иргэдийн Төлөөлөгчдийн Хурлын дарга Ц.Сандуй, нийслэлийн Засаг дарга бөгөөд Улаанбаатар хотын Захирагч С.Батболд нар гардуулав. Энэ үеэр НИТХ-ын дарга Ц.Сандуй “Юуны өмнө энд цугласан ээжүүддээ олон улсын хүүхдийн эрхийг хамгаалах өдөр, эх үрсийн баярын мэндийг дэвшүүлье.
2017 -оны 6 -р сарын 1
1347
ДЭЛГЭРЭНГҮЙ
Инээд хөөр цалгисан хүүхдийн баяраас хийсэн сурвалжлага
Манай улс олон улсын хүүхдийн эрхийг хамгаалах өдрийг 65 дахь жилдээ тэмдэглэн өнгөрүүлж байна. Энэ жил хүүхдийн баярыг “Монгол хүүхдүүд” сэдвийн дор Сүхбаатарын талбайд тэмдэглэж байгаа юм.
2017 -оны 6 -р сарын 1
1253
ДЭЛГЭРЭНГҮЙ
Зорилтот бүлгийн хүүхдүүдээ баярлууллаа
Монголын хүүхдийн ордон, Нийслэлийн Засаг даргын Тамгын газар хамтран зорилтот бүлгийн 700 хүүхдэд зориулсан “Ид шидийн аялал” урлагийн тоглолтыг зохион байгууллаа. Хот тохижилтын газрын ажилчдын хүүхдүүд болон тусгай сургуулийн сурагчид, халамж асрамжийн төвийн хүүхэд багачууд өнөөдрийг инээд хөөр дүүрэн, Хүүхдийн ордны авьяаслаг найзуудынхаа тоглолтыг үзэн, дуу хуур, бүжиг наадам дунд өнгөрөөлөө.
2017 -оны 6 -р сарын 1
1904
ДЭЛГЭРЭНГҮЙ
Олон улсын хүүхдийн эрхийг хамгаалах өдрийн “Монгол хүүхдүүд” арга хэмжээ болж байна
Улсын нийслэл Улаанбаатар хотын төв талбайд хүүхэд багачуудын дуу хуур, инээд хөөр цалгиж байна. 1951 онд Олон улсын ардчилсан эмэгтэйчүүдийн холбооноос хүүхдийн эрхийг хамгаалах өдрийг улс орон бүр тодорхой өдөр тэмдэглэж, хүүхэд багачуудаа баярлуулж байхаар шийдвэрлэсэн байдаг. Монгол Улс 1952 оноос эхлэн 6 дугаар сарын 1-ний өдрийг “Хүүхдийн баяр”-ын өдөр болгон тэмдэглэж ирсэн түүхтэй. Энэ жил манай улс Олон улсын хүүхдийн эрхийг хамгаалах өдрийг 65 дахь жилдээ тэмдэглэн өнгөрүүлж байна.
2017 -оны 6 -р сарын 1
2134
ДЭЛГЭРЭНГҮЙ
“Их хотын жаргалтай үрс” тоглолт боллоо
Олон улсын хүүхдийн эрхийг хамгаалах өдөрт зориулсан “Их хотын жаргалтай үрс” хүндэтгэлийн тоглолт Соёлын төв өргөөнд болов. Уг арга хэмжээнд нийслэлийн 6 дүүргийн 138 хорооны шилдэг 1100 хүүхэд уригдан оролцож байгаа юм. Хүүхдийн баярын хүндэтгэлийн тоглолтод НИТХ дахь МАН-ын бүлгийн дарга С.Мөнхчулуун, НИТХ-ын төлөөлөгч Х.Хатанбаатар болон бусад төлөөлөгч оролцлоо. Уг арга хэмжээг нээж НИТХ дахь МАН-ын бүлгийн дарга С.Мөнхчулуун “Өнөөдөр олон улсын хүүхдийн эрхийг хамгаалах өдөр. Монгол Улсад эх, үрсийн баяр хэмээн тэмдэглэдэг уламжлалтай. Энэ танхимд 1000 гаруй хүүхэд ээж, аавын хамт хүрэлцэн иржээ.
2017 -оны 6 -р сарын 1
1377
ДЭЛГЭРЭНГҮЙ
Хүүхдүүд хотын даргад захидал ирүүлжээ
Олон улсын хүүхдийн эрхийг хамгаалах өдөр өнөөдөр тохиож буй. Энэхүү өдрийг угтан нийслэлийн бяцхан иргэд маань хотын даргадаа хандаж захидал илгээжээ. Хүүхдүүд захидалдаа өөрийн хүсэл мөрөөдлөө болон ирээдүйд хотоо илүү сайхан болно гэдэгт итгэлтэй байгаагаа илэрхийлэхийн сацуу хотын даргад ажлын амжилт хүсч улам ихийх хийж бүтээгээрэй гэсэн байна. Тухайлбал, Налайх дүүргийн “Хос уянга” сургуулийн 6 А ангийн сурагч Б.Агиймаа “...Би таныг эх орныхоо төлөө ихийг хийнэ гэдэгт итгэж байна. Том болоод би тань шиг болно. Тэгээд мод тарьж, бүх хогийг байхгүй болгож, байгал дэлхийгээ маш гоё үзэсгэлэнтэй болгоно.
2017 -оны 6 -р сарын 1
675
ДЭЛГЭРЭНГҮЙ
Хятадын Төмөр замын 20 дугаар товчоо групп корпорацийн ерөнхий менежер Чен Хон Вэйтэй уулзлаа
Нийслэлийн Засаг дарга бөгөөд Улаанбаатар хотын Захирагч С.Батболд Хятадын Төмөр замын 20 дугаар товчоо групп корпорацийн ерөнхий менежер Чен Хон Вэйг өнөөдөр хүлээн авч уулзлаа. Уулзалтад, НИТХ-ын төлөөлөгч, Төслийн зохицуулагч Р.Дагва, нийслэлийн Автозамын хөгжлийн газрын дарга Ж.Тогтохбаяр, нийслэлийн Газрын албаны орлогч дарга Б.Загдсамбар, нийслэлийн Өмчийн харилцааны газрын дарга Ч.Однасан болон бусад албаныхан, Хятадын Төмөр замын 20 дугаар товчоо групп корпорацийн инженерийн газрын дарга Ли Жанрон, Гадаад бизнесийн удирдлагын төвийн Олон нийттэй харилцах ажлын хэсгийн болон намын нарийн бичгийн дарга Чин Хули зэрэг төлөөлөл байлцав.
2017 -оны 5 -р сарын 31
992
ДЭЛГЭРЭНГҮЙ
Хяналт-шинжилгээ, үнэлгээний чадавхыг бэхжүүлэх сургалт боллоо
“Захиргааны байгууллагын хяналт-шинжилгээ, үнэлгээний чадавхыг бэхжүүлэх нь” сэдэвт сургалт өнөөдөр Хангарди ордонд болж өндөрлөлөө. Тус сургалтад дотоод болон нийслэлийн нутгийн захиргааны 90 орчим байгууллагын Хяналт-шинжилгээ, үнэлгээний нэгжийн дарга, хяналт шинжилгээний асуудал хариуцсан 192 ажилтан, албан хаагч хамрагдав. Нийслэлийн ЗДТГ-ын дарга М.Отгонбаяр сургалтыг нээж үг хэлээд нийт ажилтан, албан хаагчдад амжилт хүслээ.
2017 -оны 5 -р сарын 31
1026
ДЭЛГЭРЭНГҮЙ
Маргааш баярын бөмбөлөгтэй автобус үйлчилнэ
Нийслэлийн тээврийн газар болон нийтийн тээврийн үйлчилгээ эрхлэгч хувийн хэвшлийн аж ахуйн нэгж байгууллагуудын санаачлагаар ”Улаанбаатар смарт карт” компанитай хамтран “Олон улсын хүүхдийн эрхийг хамгаалах өдөр”-өөр хүүхэд багачуудаа баярлуулахаар 40000 ширхэг бөмбөлөг бэлэглэхээр болов. Маргааш нийтийн тээврийн үйлчилгээнд явж буй автобусаа чимэглэн, нийтийн тээврээр үйлчлүүлэгч хүүхэд багачууддаа бөмбөлөг бэлэглэх ба нийтийн тээврийн үйлчилгээнд явж буй жолооч нар нь цагаан цамцтайгаар үйлчилж,
2017 -оны 5 -р сарын 31
1537
ДЭЛГЭРЭНГҮЙ
Москва хотын даргад эмгэнэлийн захидал илгээлээ
Нийслэлийн Засаг дарга бөгөөд Улаанбаатар хотын Захирагч С.Батболд энэ сарын 29-ний өдөр Москва хотод байгалийн аюулт үзэгдэл болж олон хүний амь эрсэдсэнд гүнээ харамсч байгаагаа илэрхийлж ОХУ-ын Москва хотын дарга Собянин Сергей Семёновичид эмгэнэлийн захидал илгээсэн байна. Уг захидалд “Ах дүүгийн харилцаат Москва хотод 2017 оны тавдугаар сарын 29-ний өдөр байгалийн аюулт үзэгдэл болж хүний амь нас эрсэдсэнд гүнээ харамсч байна.
2017 -оны 5 -р сарын 31
695
ДЭЛГЭРЭНГҮЙ
Хүүхдийнхээ аюулгүй байдлыг хангахыг анхааруулж байна
Олон улсын эх үрсийн эрхийг хамгаалах өдөр буюу маргааш цаг агаарын нөхцөл байдал хэт халалттай байхыг мэргэжлийн байгууллагаас мэдээллээ. Тиймээс эцэг эхчүүдэд хүүхдийнхээ аюулгүй байдлыг хангахыг нийслэлийн Онцгой байдлын газраас онцгойлон сэрэмжлүүлж байна. Нийслэлийн нутаг дэвсгэрт ногоон бүс хуурайшилттай байгаа тул иргэд ногоон бүсэд зорчихдоо галын аюулгүй байдлаа хангаж ой модонд төөрөхөөс сэрэмжлэх, голын усанд орохгүй байх, бага насны хүүхдийг хараа хяналттай байлгахыг анхааруулж байна
2017 -оны 5 -р сарын 31
1428
ДЭЛГЭРЭНГҮЙ
Гэрлэх ёслолын ордны дэргэдэх хүүхдийн цэцэрлэгийн нээлт боллоо
Нийслэлийн хүн амын өсөлттэй уялдуулан иргэн бүрт эрүүл, боловсролтой, амар тайван ажиллаж, амьдрах нөхцөлийг бүрдүүлэх үүднээс Гэрлэх ёслолын ордон дотоод нөөц бололцоогоо ашиглаад олон улсын Хүүхдийн эрхийг хамгаалах өдөртэй холбогдуулан 25-30 хүүхэд хүлээн авах хүчин чадалтай “Хүүхдийн цэцэрлэг”-ийг өнөөдөр шинээр нээлээ. Тус цэцэрлэг нь Сүхбаатар дүүргийн 16 дугаар цэцэрлэгийн 2 дахь салбар болж байгаа бөгөөд нэг бүлэг, хоёр багштайгаар үйл ажиллагаа явуулах ажээ.
2017 -оны 5 -р сарын 31
639
ДЭЛГЭРЭНГҮЙ
Маргааш замын хөдөлгөөнийг хэсэгчлэн түр хаана
Сүхбаатар дүүргийн хэмжээнд Олон улсын хүүхдийн эрхийг хамгаалах өдрийн үйл ажиллагаа 2017 оны 06 дугаар сарын 01-ний өдөр 4 дүгээр хорооны нутаг дэвсгэр Б.Цэрэндоржийн гудамжинд болох тул баруун, зүүн талын 1 чигийн хөдөлгөөнтэй замын зорчих хэсгийг 10.00-18.00 цагийн хооронд хааж, хөдөлгөөний аюулгүй байдлыг хангаж ажиллана.
2017 -оны 5 -р сарын 31
682
ДЭЛГЭРЭНГҮЙ