Монгол улсын хууль, тогтоомжийн дагуу автомашин эзэмшигч аж ахуйн нэгж, иргэн автотээврийн хэрэгслийн албан татвараа жилд нэг удаа 6 дугаар сарын 1-ний дотор төлөх үүрэг хүлээсэн бөгөөд Агаарын бохирдлын тухай хуулиар төлбөр төлөгч нь Авто тээврийн болон өөрөө явагч хэрэгсэлд ногдох жилийн төлбөрийг жилд нэг удаа тухайн жилийн 6 дугаар сарын 1-ний өдрөөс өмнө харъяалах татварын албандаа төлөхөөр зохицуулагдсан байдаг. Тиймээс нийслэлийн Засаг даргын захирамжаар автотээрийн хэрэгслийн албан татвар, агаарын бохирдлын төлбөр хураах ажил 2013 оны 3 дугаар сарын 1-ээс эхэлсэн юм.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл  Монгол Улсын Их хурлын даргын АНУ-д хийх албан ёсны айлчлалын бүрэлдэхүүнд багтан 2013 оны 03 дугаар сарын 06-наас 29-ний өдрүүдэд АНУ-д томилогдон ажиллалаа.

Монгол Улсын Ерөнхийлөгч Цахиагийн Элбэгдорж ирэх сарын 4-ний өдөр тогтсон уламжлалын дагуу нийслэл хотын иргэдтэй уулзахаар боллоо. Ерөнхийлөгч Ц.Элбэгдорж жил бүр нийслэлийн иргэдтэй уулзалт хийж, тэдний санал бодлыг сонсож, сонирхсон асуултад хариулт өгдөг уламжлалыг анхлан тогтоосон

Нийслэлийн Засаг дарга Ардчилсан орнуудын хамтын нийгэмлэгийн сайд нарын VII бага хурал нийслэл Улаанбаатар хотод зохион байгуулагдаж байгаатай холбогдуулан зочид төлөөлөгчид, ард иргэдийн аюулгүй байдлыг хангах зорилгоор “Зарим арга хэмжээ” авах тухай захирамж гаргасан. Захирамжийн дагуу замын хэт их түгжрэлээс урьдчилан сэргийлж, тээврийн хэрэгслийн сүүлийн орноор нь дугаарын хязгаарлалтын бүсэд явахгүй байхаар түр зохицуулалт хийж байгаа.

Ардчилсан орнуудын хамтын нийгэмлэгийн сайд нарын VII бага хуралд оролцох зочид төлөөлөгчид өнөөдөр манай улсад айлчлан ирнэ. Гадаад харилцааны яамнаас өгч байгаа албан ёсны мэдээллээр тус бага хуралд оролцохоор нийслэл Улаанбаатар хотод  102 орны 1200 гаруй зочид хүрэлцэн ирэх бөгөөд энэхүү арга хэмжээг сурвалжлахаар 50 гаруй орны сэтгүүлчид ирж дэлхий нийтэд Монгол улсыг сурталчлан таниулахаар болжээ.

Ардчилсан орнуудын хамтын нийгэмлэгийн сайд нарын VII дугаар бага хурал, чуулга уулзалт Улаанбаатар хотод зохион байгуулагдах гэж байгаатай холбогдуулан Нийслэлийн Онцгой байдлын газрын даргын 2013 оны 4 дүгээр сарын 18-ны өдрийн баталсан удирдамжийн дагуу зочид төлөөлөгчдийн хурал, хүндэтгэлийн арга хэмжээ явагдах болон байрлах объектуудад Гамшгаас хамгаалах болон гал түймрийн улсын хяналтыг хэрэгжүүлэх шалгалтыг  энэ сарын 19-24-ний өдрүүдэд  зохион явууллаа

Нийслэл Улаанбаатар хотод Ардчилсан орнуудын хамтын нийгэмлэгийн сайд нарын VII бага хурал  зохион байгуулагдахтай холбогдуулан зочид төлөөлөгчид, иргэдийн  аюулгүй байдал, гарч болзошгүй гэмт хэрэг, зөрчлөөс урьдчилан сэргийлэх, замын хөдөлгөөний ачаалал, иргэдийн хэт төвлөрлийг сааруулах зорилгоор нийслэлийн Засаг дарга “Зарим арга хэмжээ” - г авч хэрэгжүүлэх тухай захирамж гаргасан. Уг захирамжийн хүрээнд замын хөдөлгөөний хэт ачаалал, түгжрэл үүсэхээс урьдчилан сэргийлэх зорилгоор 4 дүгээр сарын 26,28-ны өдрүүдэд тээврийн хэрэгслийн улсын дугаарын сүүлчийн орон тэгш тоогоор буюу 0,2,4,6,8-аар төгссөн, 4 дүгээр сарын 27, 29-ний өдрүүдэд улсын дугаарын сүүлчийн орон сондгой тоогоор буюу 1,3,5,7,9-өөр төгссөн тээврийн хэрэгсэл  07-21 цагийн хооронд тогтоосон дугаарын хязгаарлалтын бүсэд замын хөдөлгөөнд оролцохгүй байхаар түр зохицуулалт хийх юм.

НИТХурлын тэргүүлэгчдийн 2012 оны 61 дүгээр тогтоолын дагуу аж ахуйн нэгж байгууллагууд нь ашиглалтанд байгаа 50 метр хүртэлх нийтийн эзэмшлийн зам талбай, ногоон байгууламжид тохижилт хийх, нийтийн эзэмшлийн эд хөрөнгийн ашиглалт, засвар үйлчилгээ, хамгаалалтын ажлыг хариуцан ажиллах ёстой

Нийслэлийн Засаг дарга бөгөөд Улаанбаатар хотын Захирагч Э.Бат-Үүл Улаанбаатар хотноо зохион байгуулагдах Ардчилсан орнуудын хамтын нийгэмлэгийн сайд нарын VII бага хурлын үеэр манай улсад айлчлах 135 орны 1000 гаруй зочид төлөөлөгч, иргэдийнхээ аюулгүй байдлыг хангах зорилгоор “Зарим арга хэмжээ авах” тухай захирамж гаргасны дагуу  

Улаанбаатар хотод 2О1З оны 04 дүгээр сарын 27-29-ны өдрүүдэд зохион байгуулагдах  "Ардчилсан орнуудын хамтын нийгэмлэгийн сайд нарын VII бага хурал" –тай холбогдуулан ЦЕГ-ын даргын тушаалаар  ажлын хэсэг  томилогдон зочид, төлөөлөгчдийн аюулгүй байдлыг хангах, хэв журмын хамгаалалт, замын  хөдөлгөөний аюулгүй байдлыг хангах бэлтгэл ажлыг холбогдох байгууллагуудтай хамтран хийж байна

Нийслэлийн Удирдлагын зөвлөлийн ээлжит хуралдаан 4 дүгээр сарын 24-нд боллоо. Хуралдаанаар барилгын салбарын хөдөлмөр хамгаалал, аюулгүй ажиллагааны чиглэлээр мэргэжлийн хяналтын байгууллагаас хийж буй ажлын явц, цаашид авах арга хэмжээний талаарх мэдээлэл, нийслэлийн нутаг дэвсгэрт нөхөн олговортойгоор газар чөлөөлөх журмын төсөл, газрын үнэлгээ хийж, үнийг тогтоох аргачлалын тухай зэрэг асуудлыг хэлэлцлээ.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл Газар эзэмших эрх олгох тухай 04 сарын 18-ны өдрийн А/406 тоот захирамж гаргалаа. Уг захирамжийн дагуу Баянзүрх дүүргийн 11 дүгээр хорооны нутаг дэвсгэрт, Ургах наран хороолын урд талын автозам болон төмөр замын хооронд Хөлийн голын хөндийд 43 га газрыг “Улаанбаатар дулааны 5 дугаар цахилгаан станц”-ыг барих зориулалтаар Эрчим хүчний яаманд 15 жилийн хугацаатайгаар эзэмшүүлэхээр болов

Нийслэлийн Засаг Даргын Тамгын газар, Нийслэлийн Ерөнхий Төлөвлөгөөний газар, Нийслэлийн Хөрөнгө Оруулалтын газраас “ ХӨГЖЛИЙН ТӨЛӨӨ ТҮНШЛЭЛ” нийгмийн хариуцлагатай хөрөнгө оруулалтын уулзалтыг анх удаа зохион байгуулахаар боллоо

Нийслэлийн Засаг дарга бөгөөд Улаанбаатар хотын Захирагч Э.Бат-Үүл Авлигын эсрэг үйл ажиллагааны 2013 оны төлөвлөгөөг батлах тухай А/419 тоот захирамж гаргалаа. Захирамжийн дагуу Авлигатай тэмцэх, урьдчилан сэргийлэх арга хэмжээг боловсруулан хэрэгжүүлэх, ухуулан сурталчлах, байгууллагын удирдлагуудаас гаргаж буй шийдвэрийн ил тод, нээлттэй байдлыг хангах, ашиг сонирхлын зөрчлөөс урьдчилан сэргийлэх ёс зүйн дүрмийг тогтоон мөрдүүлэх зэрэг цогц үйл ажиллагааг авч хэрэгжүүлэх юм

Монголын Мянганы сорилтын сангийн Хөрөнгийн эрхийн төсөл нь “Хашааны газрын өмчлөл ба эрхийн бүртгэлийн ажил”-ыг холбогдох төрийн байгууллагуудтай хамтранУлаанбаатар хотын Сонгинохайрхан, Баянзүрх,Чингэлтэй дүүргийн сонгогдсон хэсгүүдэд хэрэгжүүлж байна

Нийслэлийн иргэдийн ая тухтай ажиллаж амьдрах таатай орчин, нөхцлийг бүрдүүлэх зорилгоор УБ хотын Ерөнхий менежерээр батлуулсан удирдамжийн дагуу нийслэлийн хэмжээнд Бүх нийтийн их цэвэрлэгээг 2013 оны 4 дүгээр сарын 20-ны Бямба гаригт зохион байгууллаа

Нийслэлийн Иргэдийн Төлөөлөгчдийн Хурлын 2013 оны 3/31 тоот тогтоолоор баталсан “Гэр хорооллын дахин төлөвлөлтийн үйл ажиллагааны журам”-ын 2.1.5 дахь заалтыг үндэслэн, Төслийн Удирдах хорооны тогтоолоор Гэр хорооллын дахин төлөвлөлтийн төсөл хэрэгжүүлэгч, иргэн /хуулийн этгээд/ хоорондын “Хоёр талт гэрээ”-ний загварыг хавсралтаар баталжээ