Чингэлтэй дүүргийн гамшгаас хамгаалах 6 алба, мэргэжлийн 33 ангийн 153 аж ахуйн нэгж байгууллага, 1-19 хорооны алба, томилгоот аж ахуйн нэгж байгууллагын гамшгийн үед үүрэг гүйцэтгэх хүч хэрэгсэл, техник багаж хэрэгслийн бэлэн байдлыг хангах, болзошгүй гамшгийн үед хэрхэн хамтран ажиллах тухай гамшгаас хамгаалах иж бүрэн сургууль өнөөдөр эхэллээ.
Нийслэлийн Засаг даргын 2013 оны А/09 дүгээр захирамж, Чингэлтэй дүүргийн Онцгой комиссын даргын 2013 оны 15 дугаар тушаалын дагуу 2013 оны 05 дугаар сарын 22-23-ны едрүүдэд Чингэлтэй дүүргийн хэмжээнд Гамшгаас хамгаалах Иж бүрэн сургууль зохион байгуулагдаж байна.
Иж бүрэн сургуулийн зорилго нь гамшгаас урьдчилан сэргийлэх, аврах, хор уршгийг арилгах, хойшлуулшгүй сэргээн босгох үеийн удирдлага, гамшгаас хамгаалах алба, хороо, аж ахуй нэгж байгууллага мэргэжлийн ангиудын харилцан ажиллагаа"-г уялдуулан зохицуулах, мэдлэг дадлага олгох үүрэг гүйцэтгэх чадавхийг сайжруулахад оршиж байгаа юм.