Ажлын хэсэг байгуулах тухай

2021-05-18 09:00:43

2021 оны 05 сарын 18-ны өдөр                                           Дугаар А/370                                       Улаанбаатар хот

 

 

 

 

 

 

 

Ажлын хэсэг байгуулах тухай

 

       Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 29 дүгээр зүйлийн 29.2, Тусгай хамгаалалттай газар нутгийн тухай хуулийн 29 дүгээр зүйлийн 29.1 дэх хэсэг, Байгаль орчин, аялал жуулчлалын сайд болон нийслэлийн Засаг даргын хооронд Засгийн газрын зарим чиг үүргийг орон нутагт төлөөлөн хэрэгжүүлэхээр байгуулсан гэрээг тус тус үндэслэн ЗАХИРАМЖЛАХ нь: 

                                                                                                                                           

      1.Иргэдийн амралт, чөлөөт цагаа зөв боловсон өнгөрөөх, аялагчдын эрүүл, аюулгүй байдлыг хангах орчин, нөхцөлийг бүрдүүлэх зорилгоор Богдхан уулын Дугуй цагаан чиглэлийн явган аяллын замыг тохижуулах ажлыг иргэд, аж ахуй нэгж, байгууллагын оролцоог ханган, холбогдох хууль, журамд нийцүүлэн зохион байгуулж, хэрэгжүүлэх үүрэг бүхий Ажлын хэсгийн бүрэлдэхүүнийг хавсралтаар баталсугай.

 

       2.Захирамжийн хэрэгжилтийг хангаж, ажлын явц, үр дүнг тухай бүр танилцуулж ажиллахыг нийслэлийн Засаг даргын Хүний хөгжил, нийгмийн бодлогын асуудал хариуцсан орлогч (Ж.Сандагсүрэн)-д үүрэг болгосугай.

 

 

 

 

 

 

 

                                          НИЙСЛЭЛИЙН ЗАСАГ ДАРГА

                                          БӨГӨӨД УЛААНБААТАР

                                          ХОТЫН ЗАХИРАГЧ                                    Д.СУМЪЯАБАЗАР