Ажлын хэсэг байгуулах тухай

2021-05-07 09:05:03

2021 оны 05 сарын 07-ны өдөр                                           Дугаар А/355                                        Улаанбаатар хот 

 

 

 

 

 

 

 

Ажлын хэсэг байгуулах тухай

 

 

      Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн  29 дүгээр зүйлийн 29.2, Авто замын тухай хуулийн 12 дугаар зүйлийн 12.1.8 дахь заалтыг үндэслэн ЗАХИРАМЖЛАХ нь:

 

    1.Нийслэлийн Сүхбаатар дүүргийн 1 дүгээр хорооны нутаг дэвсгэрт Тээврийн цагдаагийн албаны Замын цагдаагийн газрын хойд талын орон сууцны хорооллуудын орц, гарц болох Олимпийн гудамж руу зүүн талаас, урагшаа Нарны зам, зүүн тийш Юнескогийн гудамж руу автомашинтай болон явган зорчих нөхцөлийг сайжруулах, шинээр баригдаж буй “Олимпийн гүүр”-ийн төлөвлөлт, гүүрэн доогуурх туслах, холбоос зам болон явган зорчигчдын хөдөлгөөн зохион байгуулалт, орц гарцын асуудлыг эцэслэн шийдвэрлэх Ажлын хэсгийн бүрэлдэхүүнийг хавсралтаар баталсугай.

 

     2.Энэхүү захирамжийн хэрэгжилтийг хангаж, үр дүнг 2021 оны 05 дугаар сарын 20-ны өдрийн дотор Нийслэлийн Засаг даргын зөвлөлийн хуралд танилцуулахыг Ажлын хэсэг /Б.Одсүрэн/-т даалгасугай.

 

 

 

 

 

 

                                         НИЙСЛЭЛИЙН ЗАСАГ ДАРГА

                                         БӨГӨӨД УЛААНБААТАР

                                         ХОТЫН ЗАХИРАГЧ                                     Д.СУМЪЯАБАЗАР