Ажлын хэсэг байгуулах тухай

2021-03-30 11:00:10

2021 оны 03 сарын 30-ны өдөр                                             Дугаар А/234                                      Улаанбаатар хот

 

 

 

 

 

Ажлын хэсэг байгуулах тухай

 

 

      Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 29 дүгээр зүйлийн 29.2, 29.1.3.“ж”, Нийслэлийн иргэдийн Төлөөлөгчдийн Хурлын 2020 оны 12 дугаар сарын 04-ний өдрийн 02/12 дугаар тогтоолыг үндэслэн ЗАХИРАМЖЛАХ нь:

           

     1.Баянзүрх дүүргийн 21, 27 дугаар хороодын нутаг дэвсгэрт байрлах Шүүхийн шийдвэр гүйцэтгэх ерөнхий газрын харьяа 441 дүгээр нээлттэй хорих ангийн /хуучнаар ШШГЕГ-ын харьяа 461 дүгээр анги/ гаднах хамгаалалтын бүсэд өөрчлөлт оруулах, тухайн орчимд хэсэгчилсэн ерөнхий төлөвлөгөөний зураг төсөл боловсруулж батлуулах, түүний хэрэгжилтийг зохион байгуулж, суурьшсан иргэдийн газрын асуудлыг судлан шийдвэрлэх санал боловсруулах үүрэг бүхий Ажлын хэсгийг дараах бүрэлдэхүүнтэй байгуулсугай.

            Ажлын хэсгийн

                       ахлагч:                     Ж.Сандагсүрэн             Нийслэлийн Засаг даргын Хүний хөгжил, нийгмийн

                                                                                               бодлогын асуудал хариуцсан орлогч

                      Гишүүд:                    Т.Батцогт                        Нийслэлийн иргэдийнТөлөөлөгчдийн Хурлын

                                                                                               төлөөлөгч /Зөвшилцсөнөөр/ 

                                                       Н.Баярмөнх                    Баянзүрх дүүргийн Засаг дарга 

                                                       Ц.Тулга                           Нийслэлийн ерөнхий архитектор бөгөөд

                                                                                               Хот байгуулалт, хөгжлийн газрын дарга

                                                       Б.Мөнгөншагай              Нийслэлийн Засаг даргынТамгын газрын

                                                                                               Хууль, эрх зүйн хэлтсийн даргын албан үүргийг

                                                                                               түр орлон гүйцэтгэгч           

                                                        А.Энхманлай                 Нийслэлийн Газар зохион байгуулалтын албаны

                                                                                                даргын үүрэг гүйцэтгэгч  

                                                        Ц.Мэндсайхан                Шүүхийн шийдвэр гүйцэтгэх ерөнхий газрын

                                                                                                харьяа 441 дүгээр нээлттэй хорих ангийн дарга

                                                        Д.Бат-Өлзий                   Баянзүрх дүүргийн Газар зохион

                                                                                                байгуулалтын албаны дарга

 

            Нарийн бичгийн

            дарга:                                     Ж.Гал                           Нийслэлийн Газар зохион байгуулалтын

                                                                                                 албаны Газар ашиглалт, бүртгэлийн хэлтсийн

                                                                                                 даргын үүрэг гүйцэтгэгч

 

   2.Санал боловсруулан танилцуулан, хэрэгжилтэд хяналт тавьж ажиллахыг Ажлын хэсгийн ахлагч /Ж.Сандагсүрэн/-д үүрэг болгосугай.

 

                                   

 

 

 

 

                        НИЙСЛЭЛИЙН ЗАСАГ ДАРГА

                        БӨГӨӨД УЛААНБААТАР ХОТЫН

                        ЗАХИРАГЧ                                             Д.СУМЪЯАБАЗАР