Нийслэлийн Засаг дарга бөгөөд Улаанбаатар хотын Захирагч Э.Бат-Үүл  2013 оны нэгдүгээр ээлжийн цэрэг халах, татах ажлыг зохион  байгуулах тухай А/347  тоот захирамж гаргалаа. Захирамжийн дагуу нийслэлийн хэмжээнд цэргийн жинхэнэ алба хаах хугацаа дуусч бэлтгэлээр халагдсан байлдагч, түрүүчийг хүлээн авах ажлыг 05 сарын 1-2-ны өдрүүдэд, цэргийн жинхэнэ албанд иргэдийг татах, гэрээт цэрэгт элсүүлэх ажлыг 05 сарын 03-наас 05-ны өдрүүдэд  дүүрэг бүрд  байгуулагдах Цэрэг татлагын товчоо зохион байгуулна. 

Улаанбаатар банкны санхүүгийн дэмжлэгтэйгээр  Сүхбаатарын талбайн урд талын цэцэрлэг буюу Энхтайвны хонхтой цэцэрлэг өнгө нэмэх гэж байна. Энхтайвны хонхтой цэцэрлэгийн шинэчлэлт тохижилтын ажлыг “Платнинум” ХХК болон “Эрчим оюу” ХХК-иуд гүйцэтгэж байгаа бөгөөд Улаанбаатар хотын Захирагчийн ажлын албанаас хяналт тавин ажиллаж байна

-ИЗЗН-аас НИТХ-д сонгогдсон төлөөлөгчийн хувьд нийслэлийн бүтээн байгуулалтад ямар хувь
нэ­мэр оруулж байна?

-Манай намын хувьд түүхэндээ анх удаагаа  нийслэлд төлөөлөлтэй болсон. 2012 оны сонгуульд барьж орсон мөрийн хөтөлбөрийнхөө хэрэгжилтийг Ардчил­сан намын мөрийн хөтөлбөртэй уялдуу­лах тал дээр нэлээд ажиллалаа. Намын­хаа мөрийн хөтөлбөрийн хоёр том заалтыг ирэх дөрвөн жилд нийслэлд хэрэгжүүлэх бүтээн байгуулалт, бодло­год оруулж чадсан. Тэрний нэг нь метро төсөл байгаа. Гэхдээ метро бол ганц ИЗНН-ын гэхээсээ илүүтэй бүх намын мөрийн хөтөлбөрт орсон учраас ногоон гэрлээр дэмжигдсэн. Хоёрдахь зүйл нь дүүрэг бүрт залуучуудын чөлөөт цагаа зөв боловсон өнгөрүүлэх спорт цогцол­бор барихыг мөрийн хөтөлбөрт суулга­сан. Мөн урлагийн хүний хувьд рок, попын төв буюу шинэ концерт заал барих төслийг биечлэн хариуцаж энэ оны зураг төслийн төсөвт тэрбум төгрө­гийг оруулсан байгаа. Ганц дайчин ганцаардахгүй гэдгийг харуулж өөрс­дийн­хөө бодож төлөвлөсөн зүйлүүдийг бага багаар хэрэгжүүлээд явж байна.

Монгол улс 2011 оноос дэлхийн 140 шахам орныг эгнээндээ нэгтгэсэн “Ардчилсан орнуудын хамтын нийгэмлэг”-ийг даргалж байна. Манай улс бүсийн болон дэлхийн тулгамдсан асуудлыг шийдвэрлэхэд чиглэсэн бүх нийтийн үйл хэрэгт хувь нэмрээ  оруулахаар ажиллаж байгаагийн хувьд гурван жилд нэг удаа зохион байгуулагддаг “Ардчилсан орнуудын хамтын нийгэмлэгийн сайд нарын VII бага хурал”-ыг Монгол Улсын нийслэл Улаанбаатар хотноо 04 сарын 27-оос 29-ний өдрүүдэд зохион байгуулахаар болоод байгаа билээ.

Нийслэлийн ИТХ-ын 2013 оны 2 дугаар сарын 25-ны хуралдаанаар Улаанбаатар хотын нутаг дэвсгэрт гадна зар сурталчилгааны байгууламж байрлуулахад дагаж мөрдөх журмыг хэлэлцэн баталсан билээ. Энэхүү журам батлагдсанаар Улаанбаатар хотын өнгө төрх, замын хөдөлгөөний аюулгүй байдалд сөргөөр нөлөөлж байгаа зар сурталчилгааны самбаруудыг 2013 оны 3 дугаар сарын 1-ээс цэгцлэх ажил эхэлсэн юм

НИТХ-ын ээлжит бус хуралдаанаар баталсан “Гэр хорооллын дахин төлөвлөлтийн үйл ажиллагааны журам”-ын дагуу Гэр хорооллын дахин төлөвлөлтийн төсөл хэрэгжүүлэгчийг сонгон шалгаруулах урилгыг  нийт аж ахуйн нэгжид нээлттэйгээр хүргүүлсэн. Урилгын дагуу заасан хугацаанд 32 аж ахуйн нэгжийн 52 саналыг хүлээн авч, 10 хоногийн хугацаанд эхний ээлжийн сонгон шалгаруулалтыг хийж 18 компанийн 30 саналыг шалгаруулсан юм. Цаашид эдгээр компаниуд төслөө хэрхэн хэрэгжүүлэх талаар Гэр хорооллын хөгжлийн газрын дарга Ш.Ганхуягаас тодрууллаа.