“Замын хөдөлгөөний ачааллыг бууруулах” ажлын хэсгийн ээлжит хуралдаанаар ямар нэгэн шалтгаанаар “Эрчим хүчний түр  хязгаарлалт” хийх үед нийтийн эзэмшлийн зам талбайн гэрэлтүүлэг, гэрлэн дохио удаан хугацаагаар ажиллахгүй байгаа талаар хэлэлцлээ.

Нийслэлийн нийтийн тээврийн их, дунд, бага оврын автобус, такси тээврийн хэрэгслийн техникийн үзлэг шалгалт энэ сарын 15-нд эхэлнэ.

Нийслэлийн Засаг дарга Улаанбаатар хотод баригдаж буй зөрчилтэй, зөвшөөрөлгүй барилгуудыг цэгцэлж, хуулийн дагуу шийдвэрлэхээр захирамж гаргаж холбогдох албаныханд үүрэг даалгавар өгч байгаа. 09 сарын 10-ны өдөр “Барилгын ажилд илэрсэн зөрчлийг арилгах, гүйцэтгэлд хяналт тавих тухай” А/853 тоот захирамж гаргасан бөгөөд тус захирамжийн 6, 7 дахь заалтаар зарим зөрчилтэй барилгын ажлыг зогсоож, хуулиас дээгүүр эрх мэдэл гарган ямар ч барилгын ажил эхлүүлэх зөвшөөрөл аваагүй, барилгын норм хангаагүй зарим барилгыг нураахаар боллоо.

Нийслэлийн нутгийн захиргааны байгууллагаас төрийн жинхэнэ албан тушаалын сул орон тоог нөхөх, сонгон шалгаруулах ээлжит мэргэшлийн шалгалтын тов зарлагдсан. Энэ талаар нийслэл дэх Төрийн албаны зөвлөлийн салбар зөвлөлийн Нарийн бичгийн дарга Д.АЛТАНЦЭЦЭГЭЭС тодрууллаа.

Монгол, Хятад, ОХУ-ын соёл, аялал жуулчлал, худалдаа тээврийн 250 гаруй жилийн  түүхтэй“Цайны зам”-ыг уламжлан хөгжүүлэх асуудлаар БНХАУ-ын ӨМӨЗО-ны Эрээн хотод 3 орны 31 хот, аймаг, сум суурин газрын 250 гаруй зочин төлөөлөгч, эрдэмтэн мэргэд, бизнесийн төлөөлөл оролцсон “Түмэн газрын цайны зам ба хотуудын хөгжил-II” чуулга уулзалт 2013 оны 09 сарын 9-10-ны өдрүүдэд зохион байгууллаа.

Замын хөдөлгөөний удирдлагын төвд 9 сарын 11-ний өдөр  гэрлэн дохионы 156 , хурд хэтрүүлсэн 178 зөрчил бүртгэгдсэн байна. Тиймээс жолооч та бүхэн замын хөдөлгөөнд оролцохдоо дүрмээ биелүүлэн соёлтой оролцоно уу гэж Замын хөдөлгөөний удирдлагын төвөөс анхааруулж байна.