Нийслэлийн Засаг даргын 2010 оны 01 дүгээр сарын 25-ны өдрийн 63 тоот захирамжаар Баянгол дүүргийн 13-р хорооны цогцолбор барих зориулалтаар тус хорооны орон сууцны 1 дүгээр байрны зүүн талд 0,018 га газрыг олгожээ. Одоогоор хорооны цогцолбор барих ажил эхэлсэн боловч тус хорооны зарим иргэд хорооны барилга нэрээр хэн нэгэн эрх мэдэлтэн  өөр зориулалтаар барилга барих гэж байна гэсэн ташаа мэдээлэлтэй байгаа учраас эсэргүүцэн зөрчил үүсгээд байгаа юм.

Нийслэлийн Засаг даргын захирамжаар, нийслэлийн төсвийг бүрдүүлэх, холбогдох хууль тогтоомжийн хэрэгжилтийг хангах зорилгоор Улаанбаатар хотод бүртгэлтэй бүх төрлийн автотээврийн болон өөрөө явагч хэрэгслээс албан татвар, агаарын бохирдлын төлбөр, автозам ашигласны төлбөр хураах ажлыг 2014 оны 03 дугаар сарын 20-ны өдрөөс 05 дугаар сарын 31-ний хооронд зохион байгуулж байна.  Нийслэлийн хэмжээнд үзлэгт татварт хамрагдвал зохих 430,223 тээврийн хэрэгсэл, механизм байгаагаас 2014 оны 03 сарын 20-ны өдрөөс хойш 40 хоногийн хугацаанд  үзлэгт орсон 44,708 тээврийн хэрэгсэл байгааг Нийслэлийн Татварын газраас мэдээллээ.

Баянгол дүүргийн 4 дүгээр хорооны нутаг дэвсгэрт Шүүхийн гудамжны 1 км авто замын шинэчлэлтийн ажлыг “Монгол Сата интернэшнл” ХХК гүйцэтгэж байна. Уг ажлын хүрээнд П. Жасрайн гудамж буюу Төмөр замын эмнэлгийн уулзварыг 2014 оны 5 дугаар сарын 10-ны 08:00 цагаас эхлэн хааж, зам сэтлэх

Хувьсгалчдын гудамж буюу Тасганы овооны уулзвараас, МҮОНТВ хүртлэх 2,52 км  замыг 2007 онд өргөтгөн шинэчилж нийт 14 метр өргөнтэй, 4 урсгалтай болгосон байна.  Замын ажлын гүйцэтгэгчээр “ Мон Агаар” ХХК шалгарч 2007 оны 12 сард ашиглалтад өгчээ.  Энэхүү зам нь гэрэлтүүлэг, 2 талаараа 2,25 см өргөнтэй явган зорчигчийн замтай байхаар төлөвлөгдсөн боловч газар чөлөөлөлтийн ажлыг бүрэн хийж чадаагүйгээс зарим хэсэгт явган зорчигчийн замыг дутуу орхин Улсын комисст хүлээлгэн өгсөн байна.

Хан-Уул дүүргийн 2 дугаар хорооны нутагт Соёмбо толгойд түймэр гарлаа гэсэн дуудлага нийслэлийн Онцгой байдлын газарт  5 сарын 5-ны 16 цаг 14 минутанд иржээ. Дуудлагын дагуу Хан-Уул дүүргийн Онцгой байдлын хэлтсийн Аврах гал унтраах 14 дүгээр ангийн гал унтраах тасаг 16 цаг 21 минутанд хүрэлцэн очиж шуурхай ажиллаж унтраасан байна. 

Нийслэлийн Иргэдийн Төлөөлөгчдийн Хурлын Тэргүүлэгчдийн  2013 оны 12 сарын 20-ны хуралдаанаар VIII Богд гэгээн Жавзундамба хутагтын хөшөөг шинээр бүтээж, Чингэлтэй дүүргийн 5 дугаар хорооны нутаг дэвсгэр дэх Тусгаар тогтнолын талбайд байршуулахаар шийдвэрлэсэн юм.  Энэ хүрээнд Нийслэлийн Засаг даргын Тамгын газраас мэргэжлийн уран бүтээлчдийн дунд  уралдаан зарлаад байна.

Хувьсгалчдын гудамж буюу Зурагтын шинэ эцсийн буудлаас Баянхошууны уулзвар хүртэлх 4.6 км авто замыг өргөтгөн шинэчлэх ажлыг “Экспресс зам” ХХК гүйцэтгэж байна. Энэ ажлын хүрээнд 5 дугаар сарын 09-ний 22:00 цагаас эхлэн 6 дугаар сарын 09-нийг дуустал Зурагтын шинэ эцсийн буудлаас цааш 2 км замын хөдөлгөөнийг хаахаар боллоо. 

Нийслэлийн Худалдан авах ажиллагааны газраас зохион байгуулж байгаа 36 төсөл хөтөлбөрийн Үнэлгээний хороог дүүргүүдийн Засаг даргын орлогч нар удирдан ажиллаж байна.  Эдгээрт хотын төвийн дүүргүүдэд барих цэцэрлэгийн барилга 14, бага сургууль цэцэрлэгийн цогцолбор барилга 16 багтах байгаа бөгөөд 7 560 гаруй хүүхдийг сургуулийн өмнөх болон ерөнхий боловсролын сургуульд шинээр хамруулах таатай боломж бүрдэх юм.

НИТХ-ын Тэргүүлэгчдийн хуралдаан өнөөдөр /5 дугаар сарын 5/ болж хуралдаанаар нийслэлийн өмчийн харилцаатай холбоотой хэд хэдэн журмуудын шинэчилсэн төсөл, нэмэлт өөрчлөлтүүд, Орон нутгийн өмчит үйлдвэрийн газруудыг өөрчлөн байгуулах тухай зэрэг асуудлыг  хэлэлцлээ.

БНХАУ-ын Засгийн газрын буцалтгүй тусламжаар Улаанбаатар хотын Бээжингийн гудамжны өргөтгөл, шинэчлэлийн ажил  эхлээд байна.  Энэхүү төсөл хэрэгжиж дууссанаар 0.9 км урт, 1 чиглэлдээ 3 эгнээ нийт 6 эгнээ авто зам барихаас гадна  Сэлбийн гүүрийг бүрэн шинэчилж нэг чиглэлдээ 3 эгнээтэй 0,74 у/метр гүүртэй болох юм.

Тайландын Вант улсын Бангкок хотын Иргэдийн хурлын урилгаар НИТХ-ын дарга Д.Баттулга тэргүүтэй төлөөлөгчид энэ өдрүүдэд Банкок хотод албан ёсны айлчлал хийж байна.
2014 оны хувьд Монгол Улс Тайландын Вант улстай дипломат харилцаа тогтоосны 40 жил, Банкок хотын Иргэдийн төлөөлөгчдийн хурал НИТХ-тай хамтын ажиллагаагаа эхлүүлсний 15 жилийн ой болон Улаанбаатар хот байгуулагдсаны 375 жилийн түүхэн ойн өдрүүд тохиож байгаагаараа онцлог жил юм. 

Авто замын хөдөлгөөний ачааллыг бууруулах хөдөлгөөний аюулгүй байдлыг хангах зорилгоор нийслэлийн Засаг даргын 2013 оны А/645 дугаар захирамжийн дагуу Чингэлтэй дүүргийн нутаг дэвсгэр Долоон буудал, орчмын зогсоолын талбайг шинэчлэн өөрчлөх, эцсийн буудлыг шилжүүлэх саналыг “Улаанбаатар хотын замын хөдөлгөөний ачааллыг бууруулах ажлыг зохион байгуулах, нэгдсэн удирдлагаар хангах ажлын хэсэг”-ээс гаргалаа.