Монгол Улсын Үндэсний аюулгүй байдлын зөвлөлөөс Улаанбаатар хотын агаарын бохирдлыг гамшгийн хэмжээнд хүрсэн хэмээн үзэж, зөвлөмж гаргасан. Зөвлөмжийн хүрээнд Засгийн газар, нийслэл, дүүргүүд агаарын бохирдлыг бууруулах чиглэлээр бололцоот бүхий л хувилбаруудыг судлан, ажлын төлөвлөгөө боловсруулж, зарим ажлуудаа хэрэгжүүлж эхлээд байгаа юм.

“Гэр хорооллыг хөгжүүлэх, хөрөнгө оруулалтыг дэмжих хөтөлбөр”-ийн хүрээнд Баянхошуу дэд төвийг түшиглэн барьсан 240 хүүхдийн ортой цэцэрлэгийн нээлт боллоо. Сонгинохайрхан дүүргийн 8 дугаар хорооны уг цэцэрлэгийг дулаан алдалтгүй технологи ашиглан барьжээ. Цэцэрлэгийн 10 бүлэг хичээллэх анги танхим, гал тогооны өрөө, угаалгын өрөө, багш ажилчдын өрөө зэрэг танхимуудтай ба 1 хүүхдэд стандартын дагуу 6.78 м/кв талбай ногдохоор тооцож барьж байгуулжээ.

Нийслэлийн удирдах ажилтны ээлжит шуурхай зөвлөгөөн өнөөдөр боллоо. Хуралдааны эхэнд өнгөрсөн зөвлөгөөнөөр нийслэлийн Засаг даргын өгсөн үүрэг даалгавар болон түүний биелэлтийн талаар НЗДТГ-ын Хяналт шинжилгээ, үнэлгээний хэлтсийн дарга Х.Гантулга танилцууллаа.

Нийслэлийн Засаг даргын Тамгын газар “Тогтвортой хөгжлийн зорилго (ТХЗ)-ыг Улаанбаатар хотын түвшинд хэрэгжүүлэх зураглал” баримт бичгийн төслийг боловсруулж, хэлэлцүүлгийг энэ сарын 5-ны өдөр зохион байгуулав. Хэлэлцүүлэгт Сангийн яам, Үндэсний хөгжлийн газар, Үндэсний статистикийн хороо, Нэгдсэн Үндэстний Байгууллагын Хөгжлийн хөтөлбөр, НҮБ-ын Хүн амын нутагшил, суурьшлын хөтөлбөр, Азийн сан, Нийслэлийн Засаг даргын Тамгын газар, нийслэлийн дүүрэг, нутгийн захиргааны байгууллага, судлаачид оролцлоо.

Нийслэлийн Засаг дарга бөгөөд Улаанбаатар хотын Захирагч С.Батболд Оросын холбооны улсын Эрхүү хотын дарга Бердников Д.В болон Эрхүү хотын төлөөлөгчдийг хүлээн авч уулзаж, хамтран ажиллах санамж бичигт гарын үсэг зурлаа. Улаанбаатар, Эрхүү хотууд нь 1996 онд ах дүү найрамдалт хотуудын хэлэлцээрт гарын үсэг зурснаар харилцаа, хамтын ажиллагаа эхэлж байсан түүхтэй. Хоёр хотын хамтын ажиллагаа уламжлалт, найрсаг харилцаатай явж ирсэн бөгөөд Улаанбаатар хотод “Эрхүү мужийн төлөөлөгчийн газар” ажиллаж байгаа нь хоёр хотын залгамж холбоог илэрхийлж байна. Уулзалтаар хоёр хотын хамтын ажиллагааны талаарх нэмэлт санамж бичигт гарын үсэг зурлаа.

Их эзэн Чингис хааны мэндэлсэн Монгол бахархлын өдөрт зориулан Монгол Улсын Ерөнхийлөгчийн санаачилгаар зохиож буй “Мөнх тэнгэрийн бичиг-2018” монгол уран бичлэгийн олон улсын үзэсгэлэн өнөөдөр Хүүхдийн урлан бүтээх төвд нээлтээ хийлээ. Үзэсгэлэн энэ сарын 9-нийг дуустал тав хоногийн турш үнэ төлбөргүйгээр дэлгэгдэж байгаа юм. Үзэсгэлэн насанд хүрэгчдийн болон сурагчдын гэсэн ангилалд болж байна. Сурагчдын бүтээлийн ангилалд Монгол Улсаас 104, ОХУ-ын Бүгд Найрамдах Халимаг Улсаас 3, БНХАУ-ын Өвөр Монголын Өөртөө Засах Орноос 16, нийт 123 сурагчийн бүтээл дэлгэгджээ.

Сүүлийн үед Нийслэлийн Засаг дарга бөгөөд Улаанбаатар хотын Захирагч Сундуйн Батболд миний нэр хүндэд халдаж, олон нийтийн цахим сүлжээгээр дамжуулан гүтгэн доромжлох явдал хэрээс хэтэрлээ. Миний бие 1990 оноос ажил, хөдөлмөрийн гараагаа жирийн инженерээс эхэлж ,улс эх орон, ард түмний итгэлийг хүлээн, тэдний сонголт, томилолтоор төрийнхөө төлөө шат шатны албанд хоёргүй сэтгэлээр зүтгэж ирсэн билээ.

Нийслэлийн Засаг дарга бөгөөд Улаанбаатар хотын Захирагч С.Батболдын дэвшүүлж буй "Нэг хот-Нэг стандарт" зорилтын хүрээнд "Гэрэлтэй хот" аяныг Улаанбаатар хотын Захирагчийн ажлын алба хэрэгжүүлж эхэллээ. Энэхүү аяны хүрээнд Улаанбаатар хотын гудамж, зам талбай дахь гэрэлтүүлгийг 3 дахин нэмэгдүүлэх зорилго тавьж, гэрэл унтраах, асаах цагийн хуваарийг улирлын нөхцөлд тохируулан өөрчлөх юм.

Нийслэлийн иргэдийн Төлөөлөгчдийн Хурлын ээлжит 19 дүгээр хуралдаанаар нийслэлийн эдийн засаг, нийгмийг 2017 онд хөгжүүлэх үндсэн чиглэлийн биелэлт, 2018 оны хэрэгжилтийн явц болон 2019 оны Улаанбаатар хотын эдийн засаг нийгмийг хөгжүүлэх үндсэн чиглэлийг хэлэлцлээ. Хуралдаан хоёр өдөр үргэлжилж, өнөөдөр Нийслэлийн Засаг дарга бөгөөд Улаанбаатар хотын Захирагч С.Батболдын багт дүнгээ тавьж, ирэх оны үндсэн чиглэлийг баталлаа.

“Улаанбаатар, Улаанцав, Улаан-Үд хотуудын хамтын ажиллагаа-2018” сэдэвт арга хэмжээг өнгөрсөн өдрүүдэд амжилттай зохион байгууллаа. Тус арга хэмжээний хүрээнд Улаанбаатар, Улаанцав, Улаан-Үд хотын удирдлагууд гурван талт уулзалтыг өнөөдөр зохион байгуулав.

Монгол Улсын нийслэл Улаанбаатар хот, БНХАУ-ын ӨМӨЗО-ны Улаанцав хотууд нь хоёр улсын дипломат харилцааны баримт бичгийн зарчмуудыг үндэслэн ард иргэдийн харилцан ойлголцол, найрамдлыг бэхжүүлэх, хот хооронд харилцан ашигтай хамтын ажиллагааг өргөжүүлэх зорилгоор хамтран ажиллаж санамж бичиг байгуулав. Санамж бичигт нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан, Улаанцав хотын орлогч дарга Ван Синуй нар гарын үсэг зурж, баталгаажууллаа.

“Яармагийн шинэ гүүр барих, хуучин гүүрийг засварлах” төслийн барилгын ажил дуусч, төслийн хүрээнд баригдсан авто зам, гүүрийн байгууламж өнөөдөр замын хөдөлгөөнийг нэвтрүүлж эхэллээ.

Монгол Улс, БНХАУ, ОХУ гурван орны найрсаг харилцаа эдийн засаг, соёлын олон талт хамтын ажиллагааг хөгжүүлэх, хөрөнгө оруулалтыг нэмэгдүүлэх зорилгын хүрээнд гурван хотын хамтарсан нэгдсэн арга хэмжээг зохион байгуулж байна. “Улаанбаатар-Улаанцав-Улаан-Үд” хотуудын хамтын ажиллагаа 2018 нэгдсэн арга хэмжээний хүрээнд эдийн засаг, худалдаа, хөрөнгө оруулалтын хамтын ажиллагааны бизнес форум өнөөдөр эхэллээ. Бизнес форумын нээлтийн ажиллагаанд нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан оролцлоо.

НИТХ-ын ээлжит XIX хуралдаан өнөөдөр болж өнгөрлөө. Хуралдаанаар нийслэлийн эдийн засаг, нийгмийг 2017 онд хөгжүүлэх үндсэн чиглэлийн биелэлт, 2018 оны хэрэгжилтийн явц болон 2019 онд Улаанбаатарын эдийн засаг, нийгмийг хэрхэн хөгжүүлэх талаарх үндсэн чиглэлийн төслийг нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан танилцуулсан.

Өнөөдрийн хуралдаанаар нийслэлийн эдийн засаг, нийгмийг 2017 онд хөгжүүлэх үндсэн чиглэлийн биелэлт, 2018 оны хэрэгжилтийн явцыг сонсон, 2019 онд Улаанбаатарын эдийн засаг, нийгмийг хэрхэн хөгжүүлэх талаарх үндсэн чиглэлийн төслийг хэлэлцэж, батална.

Нийслэлийн эдийн засаг, нийгмийг 2019 онд хөгжүүлэх үндсэн чиглэлийг НИТХ-д өргөн барилаа. “Нийслэлийн эдийн засаг, нийгмийг 2019 онд хөгжүүлэх үндсэн чиглэл”-ийн төсөлд:

Нийслэлд явган хүний зам, талбайг нэмэгдүүлэх ажлын хүрээнд газар чөлөөлөх ажил үргэлжлэн явагдаж байгаа билээ. Нийслэлийн Засаг даргын захирамжийн хүрээнд хийгдэж буй энэхүү ажлыг Нийслэлийн Засаг даргын ахлах зөвлөх Д.Мөнх-Эрдэнэ ахалж буй юм. Ажлын хэсгээс хийж буй ажлынхаа явцын талаар хотын даргад өнөөдөр танилцууллаа.

Нийслэлийн 379 жилийн түүхт ойн өдөрт зориулсан хүндэтгэлийн тоглолт өнөөдөр Соёлын төв өргөөнд болж байна. Нийслэлийн Засаг дарга бөгөөд Улаанбаатар хотын Захирагч С.Батболд хүндэтгэлийн тоглолтыг нээж хэлсэн үгэндээ “Нийслэл үүсэн байгуулагдсаны ойн өдөр бол нийт Улаанбаатарчууд бидний баярын өдөр. Нийслэлийн удирдлагууд баярын өдрөөрөө хийж, бүтээсэн ажлуудаа иргэдийнхээ өмнө тайлагнаж, ирэх оны бодлого төлөвлөлтөө танилцуулдаг уламжлалтай.

Нийслэл хот үүсэн байгуулагдсаны түүхт 379 жилийн ой тохиож байна. Ойг тохиолдуулан нийслэлийн удирдлагууд, нийслэлийн иргэд анхны шав тавьсан “Мэлхийт хөшөө”-нд хүндэтгэл үзүүлж, Монголын нууц товчоог залж, нийслэлийн сүлдэт хуур цэнгүүллээ. Одоогоос 379 жилийн тэртээ 1639 онд өндөр гэгээн Занабазарыг Их Монголын шарын шашны тэргүүнд өргөмжлөн өргөө байгуулан өгснөөр Монгол улсын нийслэлийн үүслийг тавьсан түүхтэй.

Нийслэлийн удирдах ажилтны ээлжит шуурхай зөвлөгөөн өнөөдөр боллоо. Хуралдаанаар Нийслэлийн Засаг дарга бөгөөд Улаанбаатар хотын Захирагч С.Батболд “Явган хүний зам, орц гарц чөлөөлөх ажлыг эрчимжүүлж ажиллах хэрэгтэй. Ирэх онд иргэдийн аюулгүй орчинд амьдрах нөхцөлийг бүрдүүлж зөвхөн хотын төвд орц гарц нээж чөлөөлөх бус гэр хорооллын гудамж зам, орц гарцыг чөлөөлөхөд онцгой анхаарч ажиллах хэрэгтэй. Нийслэлийн Газрын албанаас аж ахуйн нэгж байгуулагуудын кадастрын тусгал зургийг дахин нягталж хянах ажлыг эхлүүл. Олгогдсон газраас илүү гаргаж барилга байгууламж, хашаа барьсан иргэн, аж ахуйн нэгжийн газар эзэмших, ашиглах эрхийг хүчингүй болгох хүртэл арга хэмжээ авч ажиллах хэрэгтэй” гэсэн үүргийг холбогдох албан тушаалтнуудад өгсөн юм.