“Автомашингүй өдөр”, “Улаанбаатар марафон-2018” Олон улсын гүйлтийн тэмцээний үеэр зохион байгуулах үйл ажиллагааны хүрээнд Бага тойруу, Энхтайваны өргөн чөлөөний Баруун 4 замын уулзвараас Зүүн 4 зам хүртэлх авто зам, Сөүлийн гудамж, Бээжингийн гудамж, Анкарагийн гудамж, Самбуугийн гудамжны автозамын хөдөлгөөнийг хязгаарлах тул эдгээр гудамж, замаар үйлчилгээ үзүүлдэг нийтийн тээврийн 32 чиглэлийн 300 тээврийн хэрэгслийн чиглэл, замналд 2017.05.19-ны өдрийн 07:00-17:00 цагийн хооронд өөрчлөлт орно.

Сонгинохайрхан дүүргийн нутаг дэвсгэрт оршин суух иргэн Т-ийн суурь үхэрт 2018 оны гуравдугаар сарын 27-ны өдөр шүлхий өвчин оношлогдсонтой холбогдуулан Сонгинохайрхан дүүргийн Засаг даргын захирамжаар хорио цээрийн дэглэм хэрэгжүүлэн, НОБГ, НМХГ, НЦГ, НМЭГ, СХД-ын ЭМТөвийн эмч мэргэжилтэн, албан хаагчдын бүрэлдэхүүтэй Хээрийн штаб 30 хоног ажилласан байна.

Цэргийн жинхэнэ албаны 2018 оны I ээлжийн татлага нийслэлийн Засаг даргын 2018 оны А/292 дугаар захирамжийн дагуу нийслэлийн хэмжээнд өнөөдөр эхэллээ. Цэрэг татлага энэ сарын 6-ыг хүртэл Баянгол 96, Баянзүрх 53, Сүхбаатар 31, Сонгинохайрхан 83, Хан-Уул 34, Чингэлтэй дүүргийн 24, Багануур дүүргийн Гүн галуутай сургуулийн байранд тус тус зохион байгуулагдана.

Нийслэлийн Худалдан авах ажиллагааны газраас зохион байгуулсан Сонгино хайрхан дүүргийн 26 дугаар хорооны нутаг дэвсгэрт 240 ортой цэцэрлэгийн барилгын ажлын гүйцэтгэгчийг сонгон шалгаруулах ажлыг амжилттай гүйцэтгэж “Глобал рост” ХХК шалгаран 2017 онд хугацаанаасаа өмнө дуусгаж хүлээлгэн өглөө.

Хан-Уул дүүргийн Засаг даргын Тамгын газар, Боловсролын хэлтсээс өнгөрсөн хичээлийн жилд “Мэргэжил бүхэн сайхан” аяныг амжилттай зохион байгуулан ажилласан нь сургууль төгсөгчдөөс элсэлтийн ерөнхий шалгалтад гаргах амжилт дээшилж, суралцагчид мэргэжлээ хэрхэн сонгох, эцэг эх олон нийтийг мэдээ мэдээллээр хангасан үр дүнтэй ажил болсон билээ.

Нийслэлийн эдийн засаг, нийгмийг хөгжүүлэх үндсэн чиглэлийн 4.5.8-д Гэр бүлийн боловсрол олгох, гэр бүлийн хүчирхийллээс урьдчилан сэргийлэх, хүчирхийллээс татгалзах хандлагыг олон нийтэд төлөвшүүлэх зорилгоор олон нийтэд чиглэсэн гэр бүлийн үнэт зүйлийг бэхжүүлэх, тогтвортой гэр бүлийг дэмжих, хүүхэд хүмүүжлийн эерэг аргыг түгээн дэлгэрүүлэх, Хүүхдийн хөгжил, хамгааллын үндэсний хөтөлбөрийн 4.1.2-д Хүүхдийг аливаа эрсдэлд өртөх, эрх нь зөрчигдөхөөс урьдчилан сэргийлэх, хүүхдийн эсрэг хүчирхийллийн бүх хэлбэрийг үл тэвчих нийгмийн хандлагыг төлөвшүүлэх чиглэлээр бүх яам агентлаг, харъяа байгууллага, орон нутгийн нэгжүүддээ эцэг эхийн зөвлөл байгуулж ажиллуулана гэсэн заалтыг хэрэгжилтийг хангах ажлын хүрээнд “Би хариуцлагатай аав ээж” аяны зохион байгуулж байгаа билээ.

Нийслэлийн Байгаль орчны газраас "Усны хайгуул судалгаа явуулах", "Цооног өрөмдөх, засварлах, тоноглох" чиглэлээр мэргэжлийн байгууллагын эрх авсан аж ахуйн нэгж байгууллагатай энэ сарын 1-нээс эхлэн экологийн хариуцлагын гэрээ байгуулж эхэллээ. Улсын хэмжээнд усны мэргэжлийн байгууллагын эрх авсан 200 орчим аж ахуйн нэгж байгууллага үйл ажиллагаа явуулж байна.

Нийслэлийн Засаг дарга бөгөөд Улаанбаатар хотын захирагч С.Батболдын 2016-2020 онд хэрэгжүүлэх үйл ажиллагааны мөрийн хөтөлбөрт “Сургууль, цэцэрлэгийн хүүхдүүдэд амны хөндийн эрүүл мэндийн боловсрол олгох, эрүүлжүүлэх арга хэмжээг үе шаттайгаар зохион байгуулна” хэмээн тусгасан билээ.

Шалган бүртгэх товчоодоор нэвтрэхэд түгжрэл үүсч байгаа талаар иргэдээс ирүүлсэн гомдлын дагуу нийслэлийн Авто замын хөгжлийн газрын дарга Ж.Тогтохбаяраар ахлуулсан ажлын хэсэг Эмээлт, Баруун турууны шалган бүртгэх товчоодод ажиллав.

Замын цагдаагийн газрын ойролцоо гүүрэн гарц барих төслийн ажил үргэлжилж байна. НАЗХГ-ын дарга Ж.Тогтохбаяраар ахлуулсан ажлын хэсэг талбай дээр ажиллаж, цахилгааны кабел, холбооны шугам шилжүүлэхтэй холбоотой тулгамдсан асуудлуудыг шийдвэрлэлээ.

Нийслэлийн Тээврийн газраас санаачлан нийслэлийн Мэргэжлийн Хяналтын газар, нийслэлийн Онцгой байдлын газар, Автотээврийн Үндэсний төв, Монголын Хог хаягдлыг дахин боловсруулах үндэсний холбоо, Монголын авто их биеийн засвар эрхлэгчдийн холбоо болон Атиконсалтинг компаниудтай хамтран авто үйлчилгээний чиглэлээр үйл ажиллагаа эрхлэгчдэд сургалт зохион байгууллаа.

Иргэний цэргийн үүргээ биелүүлж, цэргийн жинхэнэ албаны хугацааг дуусган халагдаж ирсэн дайчдыг нийслэлийн хэмжээнд 2018 оны тавдугаар сарын 1-ний өдөр хүлээн авлаа.

Мэргэжлийн хяналтын ерөнхий газраас “Эрүүл мал–Эрсдэлгүй бүтээгдэхүүн” сэдэвт сарын аяныг энэ сарын 1-нээс эхлэн улсын хэмжээнд зохион байгуулж байна. Энэхүү сарын аяныг малын гоц халдварт, халдварт, паразит өвчнөөс урьдчилан сэргийлэх чиглэлээр малчид, мал бүхий иргэдэд чиглэсэн арга хэмжээг зохион байгуулахаар төлөвлөж байна.

Сонгинохайрхан дүүрэг, 1 дүгээр хорооллын арын замаас Үйлдвэрчний эвлэлийн гудамж руу Москва хорооллын араар холбох замын ажлын хүрээнд 2018 оны 05 дугаар 02-ноос 2018 оны 06 дугаар сарын 01-ний өдрийг хүртэл ПК 00+950-иас ПК 01+110-ын хооронд авто замын хөдөлгөөнийг хязгаарлана. Дээрх хугацаанд замын суурь болон чулуун хучилт хийх, хашлага суулгах, явган хүний зам байгуулах ажлуудыг хийх юм.

Сүрьеэгийн тусламж, үйлчилгээний чанар, хүртээмжийг сайжруулах, идэвхтэй эрт илрүүлэг болон сүрьеэгийн хавьтал илрүүлгийн ажлыг эрчимжүүлэх зорилгоор “Сүрьеэ өвчнөөс урьдчилан сэргийлэхэд салбар дундын оролцоог нэмэгдүүлье” аяныг 2018 оны дөрөвдүгээр сарын 19-нөөс аравдугаар сарын 19-ний өдрийн хооронд зохион байгуулна. Энэхүү аяны хүрээнд сүрьеэгийн идэвхтэй эрт илрүүлгийг нэмэгдүүлж, сүрьеэгийн халдварын тархалтыг бууруулах, эмчилгээний амжилтыг дээшлүүлэхэд чиглэсэн салбар дундын уялдаа холбоог эрчимжүүлэх олон ажлыг зохион байгуулж байна.

Нийслэлийн Хүүхэд гэр бүлийн хөгжлийн газар, JCI Их хүрээ салбар байгууллага хамтран “Нэг цэцэг нэг дэлхий” төслийг хамтран хэрэгжүүлж байгаа билээ. Төслийн хүрээнд Улаанбаатар хотын утаа ихтэй дүүргийн 14 сургуульд эко орчин бүрдүүлэх, анги танхимын агаарын чанарыг сайжруулах, хүүхдүүдийг байгальд хайртай, хариуцлагатай, эерэг хандлагатай, иргэн болгон төлөвшүүлэх зорилгоор “Цэцгийн баяр” өдөрлөг зохион байгуулах гэж байна.

Нийслэлийн иргэд цуглаж өөрт байгаа номоо сарын хугацаатай бусадтайгаа солилцож уншихаар эхлүүлсэн тус өдөрлөг энэ сарын 4, 5-нд Улаанбаатар хотын нийтийн төв номын санд зохион байгуулагдах гэж байна. Энэ удаагийн "Номоо солилцъё" өдөрлөг "Үндэсний бичиг үсгийн баяр"-ын өдрийн хүрээнд зохион байгуулагдаж байгаагаараа ихээхэн онцлогтой юм.

Тээврийн хэрэгслийн жолооч бэлтгэх сургалтын байгууллагын үйл ажиллагаанд Хөдөлмөр халамж үйлчилгээний ерөнхий газар, Цагдаагийн ерөнхий газрын Иргэдэд үйлчлэх төв, Авто сургуулиудын нэгдсэн холбоо хамтран аттестатчиллын шалгалт хийлээ. Түвшин тогтоох шалгалтанд “Зорчигч тээврийн нэгтгэл”-ийн D ангиллын жолооч бэлтгэдэг “Нарны зам” сургалтын төв бүрэн хангалттай үнэлгээ авлаа.

Гэр бүлийн хүчирхийлэлтэй тэмцэх тухай хуулийн хэрэгжилтийг хангах ажлын хүрээнд иргэд, олон нийтийг идэвхжүүлэх, тэдний оролцоог нэмэгдүүлэх, гарсан санал санаачлалыг холбогдох байгууллагад уламжлан хэрэгжүүлэх зорилготой “Манай хороо- Хүчирхийлэлгүй хороо” эсээ бичлэгийн уралдааныг 2018 оны тавдугаар сарын 1-31-ний хооронд зохион байгуулж байна. Уралдаанд нийслэлийн харьяалалтай 18-аас дээш насны бүх иргэд хамрагдаж болох бөгөөд уралдааныг 2 шатны шалгаруулалтаар дүгнэнэ.

Нийслэлийн иргэдийн Төлөөлөгчдийн Хурлын 2018 оны нэгдүгээр сарын 24-ний өдрийн 12 тоот тогтоолын дагуу иргэдийн эрүүл, аюулгүй амьдрах таатай орчин нөхцлийг бүрдүүлэх, болзошгүй ослоос урьдчилан сэргийлэх талаар өгсөн үүрэг даалгавар, иргэд оршин суугчдын санал гомдлыг барагдуулах ажлын хүрээнд Сүхбаатар дүүргийн 9,10,11,12 дугаар хорооны нутаг дэвсгэр дэх 100 айл, “Цагдаагийн гудамж”-нд байрлах барилгын материал, хоол хүнс үйлдвэрлэл, ил задгай худалдаа, үйлчилгээ эрхлэгч аж ахуй нэгж байгууллага иргэдэд хяналт шалгалт явуулж эхэллээ.