Улсын хэмжээнд 15 аймгийн 170 гаруй сумд өвөлжилт хүндэрч зудын байдалтай байгаа талаар эх сурвалж мэдээлж байна. Малчдад туслах хандивын аянд "ТЭЦ-3" ТӨХК, 97-р сургууль, 131-р сургууль, 24-р сургуулийн хамт олон нэгдэж нэмнээ, лаа, шүдэнд болон бусад эд материал хандивласныг нийслэлийн Онцгой байдлын газраас Багануур дүүргийн Онцгой комисст энэ сарын 21-ний өдөр хүлээлгэн өглөө.

Нийслэлийн Засаг даргын 2017 оны “Гамшгаас хамгаалах сургалт, үзлэг зохион байгуулах тухай” А/11 дүгээр захирамжийн хэрэгжилтийг хангах ажлын хүрээнд 2017 оны 02 дугаар сарын 21-ний өдөр гамшгаас хамгаалах мал эмнэлгийн албанд Нийслэлийн Засаг даргын нэрэмжит бэлэн байдлын үзлэг зохион байгууллаа. Тус үзлэгт нийслэлийн Мал эмнэлгийн газар болон харьяа 21 салбар нэгж байгууллага хамрагдсан.

Алтан унжлагат хэмээх гал тахиа жилийн босгон дээр цагаан сарын баяраа угтан НИТХ болон НЗДТГ-аас хотынхоо хөгжил цэцэглэлт, бүтээн байгуулалтад гар бие оролцсон ахмадууддаа хүндэтгэл үзүүлж гарын бэлэг хүргүүлж байгаа билээ. Уг арга хэмжээний дагуу НИТХ-ын төлөөлөгч Б.Бямбадорж, хороодын засаг дарга нарын хамтаар өдгөө 5 дахь үеээ үзэн 100 гаруй ач, зээ, гуч, жичээрээ хүрээлүүлсэн, 99 настай, Өвөрхангай аймгийн Хархорин сумын Шанх багийн сайн малчин, Сонгинохайрхан дүүргийн 7-р хорооны оршин суугч Ш.Ханд, Баянхонгор аймгийн Өлзийт сумын уугуул, 99 настай, 10 хүүхэд төрүүлж өсгөсөн, Сонгинохайрхан дүүргийн 23-р хорооны оршин суугч Х.Янжинцэрэн нарынд зочлов.

Өнөөдөр Налайх дүүргийн төсвийн ерөнхийлөн захирагч төсвийн шууд захирагчидтай үр дүнгийн гэрээ байгуулах ёслол боллоо. Дүүргийн Засаг дарга Ч.Раднаабазартай Эдийн засаг, хот байгуулалт хариуцсан орлогч Ц.Нарандалай, Үйлдвэр, ногоон хөгжил хариуцсан орлогч С.Тунгалаг, Нийгмийн хөгжлийн асуудал хариуцсан орлогч Х.Анхбаяр, ЗДТГ-ын дарга Ж.Алтангэрэл, 7 хорооны Засаг дарга, 45 байгууллагын дарга, удирдлагууд үр дүнгийн гэрээ байгуулж, гарын үсэг зурлаа.

Нийслэлийн Байгаль орчны газраас “Дэлхийн зэрлэг ан амьтдын өдөр”-ийг тохиолдуулан хотын ногоон бүсийн зэрлэг амьтдыг хавхаар барьж гэмтээдэг, урхи тавьж хууль бусаар агнадаг зөрчлийг арилгах, урьдчилан сэргийлэх зорилготой “Хавхгүй нийслэл” аяныг эхлүүллээ. Монгол Улсын Амьтны тухай хуульд заасан агнуурын амьтан агнах, барихад хориглох арга, зэвсэг хэрэгсэлийн дотор хавх, урхи зэрэг хэрэгсэл багтсан байдаг. Тус аяныг ногоон бүсийн байгаль хамгаалагч, идэвхтэн байгаль хамгаалагчид, морин эргүүлүүд болон байгаль орчноо хамгаалах иргэд, олон нийтийн оролцоотой хоёр үе шаттай хэрэгжүүлнэ.

Замын цагдаагийн албанаас Төв, орон нутгийн хэмжээнд түүний дотор улсын болон олон улсын чанартай босоо, хэвтээ тэнхлэгийн дагуух замуудад үйлдэгдэж буй тээврийн хэрэгслийн хөдөлгөөний аюулгүй байдал, ашиглалтын журмын эсрэг гэмт хэрэг, осол, зөрчлийг бууруулах, хяналт шалгалтыг эрчимжүүлэн ажиллаж байгаа билээ. Энэхүү ажлын хүрээнд орон нутгийн автозамуудад үйлдэгдэж буй осол, хэргийн нөхцөл байдалд дүн шинжилгээ хийж, шалтгаан нөхцлийг судалж тогтоох, арилгуулах, урьдчилан сэргийлэх ажил, арга хэмжээнүүдийг оновчтой, үр дүнтэй зохион байгуулах чиглэлээр 21 аймгийн Замын цагдаагийн тасаг, хэсгүүдтэй хамтран өнөөдөр Автотээврийн үндэсний төвд “Онлайн” хурал зохион байгууллаа.

-Архины төрлийн ундаа /архи, пиво, вино, цагаан архи/ нь хүний сэтгэцийг мансууруулах үйлчилгээтэй улмаар хүнийг донтуулдаг бүтээгдэхүүн юм. Архийг эмх замбараагүй, удаан хугацаагаар хэрэглэсэн хүн архины хараат байдалд орох бөгөөд үүнийг архинд донтох эмгэг гэж нэрлэдэг.

Хүүхдийн номын өргөөний ээлжит “Сайн жаал” сургалт зөвлөгөө 2017 оны 02 дугаар сарын 20-ны өдөр зохион байгуулагдлаа. “Сайн жаал”-уудын энэ удаагийн сургалтаар удахгүй болох гэж буй сар шинийн баяр, үүндээ ахмад настан, ах эгч нартайгаа сар шинийн баяраар хэрхэн золгох, битүүний утга учир, битүүлэх ёс, бусдыг хэрхэн хүндлэх талаар сургалт зөвлөгөө хүргэлээ. Сургалтад 37 дугаар сургуулийн 5-А ангийн 30 гаруй хүүхэд оролцлоо. Бид цаашид уламжлал, ёс заншил, өдөр тутмын амьдралд хүүхдүүдийн мэдэж хэрэгжүүлж байх учиртай олон төрлийн мэдлэг мэдээллийг сурагч хүүхдүүдэд хүргэх болно

Нийслэлийн Байгаль орчны газраас хоёрдугаар сарын 18-ны өдөр шувуу сонирхогч иргэд болон байгаль хамгаалагч нарт зориулан “Нийслэлд өвөлждөг шувууд” танин мэдэхүйн сургалтыг зохион байгууллаа. Тус сургалтаар шувууны төрөл зүйлийг танин мэдэх, ажиглалт тооллогын арга зүйг олгох, гэмтэж бэртсэн шувуудад анхны тусламж үзүүлэх зэрэг шувуу сонирхогч иргэдийн хүсэлт, шаардлагад нийцсэн мэдээ мэдээллийг олголоо.

Дэлгэрэнгүй мэдээллийг нийслэлийн Соёл урлагийн газрын веб сайт www.nsug.ub.gov.mn болон фэйсбүүк хуудас www.facebook.com/ubculture хаягаас лавлана уу.

Сар шинийн баярын өдрүүдэд монголчууд сүм хийдийн байгууллагуудад олноор цуглаж идээний дээдийг өргөж, зул хүжээ бадамлуулдаг уламжлалтай. Сар шинийн баярын арга хэмжээтэй холбогдуулан нийслэлийн Онцгой байдлын газраас Сүм хийд, шашны байгууллагуудад гамшгаас хамгаалах болон гал түймрийн улсын хяналтыг хэрэгжүүлэх төлөвлөгөөт бус шалгалтыг хоёрдугаар сарын 13-наас эхлэн зохион байгуулж байна.

Нийслэлийн гудамж, талбайн өнгө үзэмж, цэвэр цэмцгэр байдлын төлөө цаг тутам ажиллаж, иргэдийн ая тухтай орчин нөхцөлийг бүрдүүлж байдаг “Нийслэлийн зам талбайн үйчлэгчдийн 5-р зөвлөгөөн”-ийг Улаанбаатар хотын Захирагчийн ажлын албанаас зохион байгууллаа. Зөвлөгөөнд нийслэлийн 9 дүүрэгт ажил үйлчилгээ эрхэлдэг Тохижилт, үйлчилгээний 23 байгууллага, аж ахуйн нэгжийн 920 зам талбайн үйлчлэгч, нийслэл, дүүргийн удирдлагууд оролцов. Тэд зам талбайн цэвэрлэгээ үйлчилгээнд өнгөрсөн хугацаанд авч хэрэгжүүлсэн арга хэмжээ, тулгамдаж байгаа асуудлын талаар ярилцан, зам талбайн үйлчлэгч болон ТҮК-ны удирдлагуудын санал бодлыг сонсч, цаашид авч хэрэгжүүлэх арга хэмжээнүүдээ тодорхойлсон юм.

Сар шинийн баярыг угтсан бүх нийтийн их цэвэрлэгээг энэ сарын 17, 18-ны өдөр зохион байгуулав. Тус цэвэрлэгээг гэр хорооллын гудамж, гуу жалганд үүссэн хог хаягдлыг цэвэрлэх, айл өрх, ААН байгууллагуудын хог хаягдлыг шуурхай ачиж тээвэрлэх, орон сууцны хороолол доторх зам талбайн цас мөсийг цэвэрлэх, гэрлийн шон дээрх зарлал наалтыг хуулах гэсэн чиглэлээр зохион байгууллаа.

Чингэлтэй дүүргийн 25 жилийн ой, “Эрүүл мэндийг дэмжих жил”-ийн хүрээнд хөгжлийн бэрхшээлтэй иргэдийн дүүргийн аварга шалгаруулах тэмцээн амжилттай болж өндөрлөлөө. Шатар 1 дүгээр байрт 19 дүгээр хорооны иргэн К.Цэцэгсүрэн, 2 дугаар байрт 17 дугаар хорооны иргэн Д.Наранчимэг, 3 дугаар байрт 3 дугаар хорооны иргэн Б.Баясгалан, Нисдэг таваг 1 дүгээр байрт 9 дүгээр хорооны баг, 2 дугаар байрт 1 дүгээр хорооны баг, 3 дугаар байрт 19 дүгээр хорооны баг, Суугаа волейбол 1 дүгээр байрт 2 дугаар баг, 2 дугаар байр 5 дугаар баг, 3 дугаар байр 4 дүгээр баг тус тус шалгарч алт, мөнгө, хүрэл медаль, өргөмжлөл,

Монгол улсын Эрүүгийн хууль, Эрүүгийн байцаан шийтгэх хууль, Замын хөдөлгөөний аюулгүй байдлын тухай хууль, Замын хөдөлгөөний дүрэм, бусад холбогдох хууль, эрх зүйн актуудыг нэг мөр ойлгож хэрэгжүүлэх, замын хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг, гомдол мэдээллийг тал бүрээс нь бүрэн дүүрэн шалгаж шийдвэрлэх зорилгоор Тээврийн прокурорын газар, УБХЦГ-ын Гуравдугаар хэлтэс, Замын цагдаагийн албаны Жижүүрийн шуурхай удирдлагын хэлтэс, Шүүхийн шинжилгээний үндэсний хүрээлэнгийн Нийслэлийн шүүхийн шинжилгээний газрын Зам тээврийн осол, хэрэг хариуцсан тасгийн алба хаагчид хамтарсан зөвлөгөөнийг өнөөдөр зохион байгууллаа.

Нийслэлийн Засаг даргын хэрэгжүүлэгч агентлаг нийслэлийн Залуучуудын хөгжлийн газар болон Сэтгэцийн Эрүүл мэндийн үндэсний төв хамтран ерөнхий боловсролын сургуулиудын ахлах ангийн сурагчдын дунд согтууруулах ундаа, хорт зуршлаас урьдчилан сэргийлэх сургалтыг Сүхбаатар дүүргийн 31-р сургуульд эхлүүллээ. Тус сургалтыг энэ онд нийслэлийн бүх дүүрэгт шат дараалалтайгаар зохион байгуулах юм.

Нийслэл, дүүргийн ИТХ-аас “Иргэдээ сонсъё” аяныг 2-р сарын 15-аас 3-р сарын 15-ны хооронд зохион байгуулахаар шийдвэрлэж, өнөөдөр Багануур дүүргийн ИТХ-аас 2 дугаар хорооны иргэний танхимд аяныг эхлүүллээ. Дүүргээс 18 км зайд орших 2-р хороонд ахмад настан олноор оршин сууршисан, дээр нь мал бүхий иргэд ихээр байдаг ба нийт 680 хүн амтай хороо юм. Иргэдийн хувьд орон нутгийн мэдээ мэдээллийг авах боломж хомс бөгөөд цаг үеийн мэдээллээс хол байдаг гэж хэлж болно.

Гэр бүлийн хүчирхийллийг эрт шатанд илрүүлж, хүн бүрт хүчирхийллийг үл тэвчдэг, мэдээлдэг, таслан зогсоодог байх ухамсар, дадал суулгаж, иргэдийн амь нас, эрүүл мэнд, аюулгүй байдлыг хангахад олон нийтийн оролцоог нэмэгдүүлэх зорилгоор Улаанбаатар хотын Цагдаагийн газраас санаачлан дүүргүүдийн нутаг дэвсгэрт “Хонх дарж, хаалга тогшъё” хөдөлгөөнийг эхлүүлээд байгаа билээ.

Чингэлтэй дүүргийн Хүүхдийн номын өргөө Дэлхийн хүүхдийн сонгодог зохиолуудыг бага насны хүүхдүүдэд уншихад тохиромжтой хялбаршуулсан хэлбэрээр орчуулж, 108 цувралыг хэвлүүлж уншигчдын гарт хүргээд буй зохиолч, орчуулагч Дашийн Оюунчимэгтэй 2017 оны 02 дугаар сарын 15-ны өдөр “Зохиолч-Уншигчдын уулзалт”-ыг амжилттай зохион байгууллаа. “Хүүхдийн шилмэл зохиолын эрдэнэсийн сан 108” бүтээл нь Хүүхдийн номын

Чингэлтэй дүүргийн жижиг, дунд үйлдвэрлэлийг дэмжих “Бизнес инкубатор төв”-өөс зохион байгуулж байгаа” Богцтой худалдаа 2017” үзэсгэлэн худалдаанд нийт 25 үйлдвэрлэгч идэвхтэй оролцож байна. Төлөвлөгөөний дагуу одоогоор долоон байгууллагад үйлдвэрлэгчдийн бараа бүтээгдэхүүнийг сурталчлан, худалдан борлуулжээ. Уг худалдаа нь 2017 оны 02 дугаар сарын 24-ний өдрийг хүртэл зохион байгуулагдана