Дандарбаатарын гудамж буюу Офицеруудын ордны аюулгүйн тойргоос хойш Цайз захын уулзвар хүртэлх 0.9 км авто замын шинэчлэлтийн ажлын хүрээнд замын хөдөлгөөнийг 5 сарын 04-ний 23 цагаас эхлэн 7 хоногийн хугацаанд бүрэн хязгаарлахаар боллоо.

Нийслэлийн Засаг даргын Экологи, ногоон хөгжлийн асуудал хариуцсан орлогч  Т.Бат-Эрдэнэтэй “Ногоон хот”-ын төлөө хэрхэн ажиллаж байгаа талаар ярилцлаа.

-Хот энэ жилээс “но­гоон хөгжил”-д ач хол­богдол өгч эрүүл хотын төлөө ажиллах орлогч даргын суудал хүртэл гаргасан. Та хотын эко­логийг хэрхэн өөд татах вэ?   

-Нийслэлийн Засаг даргын 2012-2016 оны мөрийн хөтөлбөрт Улаан­баатар хотын нийт газар нутгийн 20 хүртэлх хувийг нь ногоон байгууламжтай болгоно гэсэн том зорилт тавьсан байгаа. Жил бүр тодорхой газруудад ногоон байгууламж бий болгоно. Мөн хотын ногоон бай­гуу­ламжийг сэргээж, ур­гуулдаг байсан. Энэ жил ажлаа эрт эхлүүлсэн. Хо­тоос өмнө нь жил бүр но­гоон байгууламжтай болох гэж тодорхой ажлыг хийж ирсэн. Амжилт тааруу, хийсэн зүйлээ дараа жил нь үгүй хийдэг тогтворгүй шийдлийг бид өөрчилнө.

Ногоон бай­гууламжийн гол цөм нь цэцэрлэгт хүрээлэн болдог дэлхий нийтийн жишиг бий. Өндөр хөгжилтэй улсууд замын голд болон, хотын төв хэсгээр зүлэг, ногоо ховор тарьдаг. Гол үзүү­лэлт нь хотын цэцэр­лэгт хүрээлэнгүүд болдог. Би­чил гудамжуудаа ногоо­руулах нь тэдний гол ажил.