Ууланд эрэн хайх, аврах ажиллагааны дадлага сургууль зохион байгуулав

2020-10-13 18:17:07

Нийслэлийн Аврах анги 105-ын бие бүрэлдэхүүн Налайх дүүргийн 6 дугаар хорооны нутаг дэвсгэр Тэрэлж, Бумбатын аманд 2020 оны 10 дугаар сарын 8-12-ны өдрүүдэд “Ууланд эрэн хайх, аврах ажиллагаа” сэдэвт дадлага сургуулийг зохион байгуулав. Тэрэлж бүүвэйт camp хаданд авиралтаар тоноглогдсон хэсэгт сургалтыг явуулсан юм. Тус дадлага сургуульд Налайх дүүргийн Онцгой байдлын хэлтсээс 7 алба хаагч хамрагдаж, эрэн хайх, аврах ажиллагааны мэдлэгээ дээшлүүлж, туршлага хуримтлуулсан.

Нийслэлийн Онцгой байдлын газарт ирж буй нийт дуудлагын тодорхой хувийг иргэд нийслэлийн ногоон бүсэд төөрсөн дуудлага эзэлдэг. Иймд алба хаагчдын мэргэжлийн ур чадварыг дээшлүүлэх, газар орны баримжаа олгох, аврах ажиллагааны үед ажиллах туршлага хуримтлуулахад ач холбогдолтой дадлага сургууль боллоо гэж нийслэлийн Онцгой байдлын газраас мэдээллээ.