Улаанбаатар хотыг удирдаж байсан дарга нар хүндэтгэл үзүүллээ

2012-09-07 00:00:00

           Нийслэлийн Засаг даргын Тамгын газрын Ахмадын Хороо шинээр сонгогдсон хотын удирдлагуудад баяр хүргэн, хүндэтгэл үзүүлдэг уламжлалтай. Энэ уламжлал ёсоор, 1965-1971 онуудад Нийслэлийн Засаг дарга байсан Д.Цэдэв, 1978-1990 онд Хотын даргын албыг хашиж  явсан С.Мөнхжаргал болон, Нийслэлийн Засаг даргын Тамгын газрын Ахмадын хорооны дарга Л. Ойдовсамбуу нар, НИТХ-ын дарга Д.Баттулга, Нийслэлийн Засаг дарга бөгөөд Улаанбаатар хотын Захирагч Э.Бат-Үүл, Нийслэлийн Засаг даргын Тамгын газрын дарга Ё.Гэрэлчулуун нартай уулзан баяр хүргэлээ. Улаанбаатар хотын дарга асан С.Мөнхжаргал,  нийслэл хотод шинэлэг шийдвэртэй алхамуудыг хийж, энэ нь эхнээсээ үр дүнгээ өгч байгаад та бүхэнд баяр хүргье.  Та бүхнийг амласандаа хүрч, Нийслэл хотыг улам илүүтэйгээр хөгжүүлнэ гэдэгт итгэж байна гээд Нийслэлийн хөгжлийн хэтийн төлөвийн тухай ярилцан, үнэтэй зөвлөгөө өглөө.